Barnevenlege Myrkdalen

Barneområdet vårt ligg i sjølve basen av skisenteret, rett ved sida av Myrkdalsstovo med enkel tilkomst frå parkering og hotell. Området består av to tallerkentrekk, eit saktegåande rulleband for dei aller minste og fire varierte grøne løyper. I helger og feriar gjennom vintersesongen har me mange aktivitetar og arrangement for born og unge.

Barneområdet i Myrkdalen er ein perfekt plass å læra seg å stå på ski. Me har saktegåande rulleband for dei minste og ei brei og oversikteleg løype for nybegynnarar. For dei meir erfarne har me morosame løyper i skogen.

I Myrkdalen er borna i fokus. Dei minste kan boltra seg i det oversiktelege barneområdet og bli med på skiskule, barnerenn, aketur og Reveklubb. I februar 2018 gjentek me suksessen og inviterer til Myrkdalen Barnefestival for tredje gong! 

Skiskule for born
Myrkdalen Skiskule tilbyr gruppe- og individuelle timar for born, og syns det er ekstra stas å læra dei minste kunsten å stå på ski! Instruktørane har ei solid utdanning frå den Norske Skiskule og legg vekt på å ha det moro på ski, uavhengig av alder og nivå.