Juleverkstad, julegraut og tenning av julegran

Me ynskjer store og små velkomen til stemningsfull dag med juleverkstad, julegraut og tenning av julegran

  • Vinter

Kl. 11.00 – 15.00: Juleverkstad
På verkstaden sitt me saman rundt borda og lét kreativiteten sleppa laus.
Kanskje vert det heimelaga julepynt, og ei gåve eller to? Det vert også ansiktsmåling og kos med høgtlesing av juleforteljingar.

Kl. 12.00 - 14.00: Julegraut i Salto
I Salto Lobbybar vert det sal og servering av tradisjonell risgraut med smørauge, sukker og kanel. Den smakar ekstra godt i juletida.

Kl. 15.00: Tenning av julegran
Me samlast rundt julegrana på Torget og tenner ljosa. Me får besøk av Vossestrand barne- og ungdomskor med born i alderen 4-13 år som skal synga kjente og kjære julesongar. Kos dykk medan me serverer varm julegløgg og peparkaker til alle.