Myrkdalen skisenter

Midtveketilbod på Myrkdalen Hotel

Er du ein av dei heldige som har fri midt i veka medan alle andre er på jobb? Som kan byta ut begrepet blåmåndag med puddermåndag? I Myrkdalen ligg alt til rette for alle som vil nyta kvardagen på ski – midt i veka har Myrkdalen Hotel svært gode prisar på overnatting med heiskort inkludert.

Bestill midtveketilbodet her! 

Myrkdalen Hotel ligg rett ved bakken

Myrkdalen Hotel
Myrkdalen Fjellandsby ligg i den nordlege delen av Voss herad, to små timar frå Bergen

Spenn på deg skia utanfor hotellet og skli ut i nypreparerte løyper i Vestlandets største skisenter, som har to 6-setars stolheisar, tre t-krokheisar, tre tallerkentrekk og eit saktegående rulleband for nybyrjarar. Løypene varierer i vanskegrad frå grønt og blått, til rødt og svart.  

Dei 22 løypene i Myrkdalen er like bra ein vanleg tysdag som ein laurdag – trakkemaskinene er i sving kvar einaste dag. 

Pudder og frikøyring

Pudder og frikøyring i Myrkdalen

Terrenget rundt skisenteret er perfekt for frikøyring, og det er lett tilkomst frå heisane til store område eigna for laussnøkøyring. Berre hugs - ha skredutstyr i sekken, vit korleis du skal bruka det og fyl med på skredfarevarslinga på varsom.no

Utan mat og drikke….

Fjellstova Vetlebotn i Myrkdalen
Fjellstova Vetlebotn er det nye tilskotet i Myrkdalen - her kan du nyta tradisjonelle rettar midt i bakken!

Anten du treng energipåfyll mellom rundane i bakken eller berre er kaffitørst finn du gode alternativ blant dei fire kaféane i Myrkdalen. Fjellstova Vetlebotn er siste tilskot, plassert ved Kari Traa-trekket midt i skisenteret. Her vert det servert tradisjonsrik mat basert på lokale råvarer.

Jobbar du turnus eller treng avveksling frå heimekontoret? Ta deg ein miniferie på Myrkdalen Hotel og få meir ut av skidagane dine!  

Les også Frå heimekontor til bortekontor
Frå heimekontor til bortekontor

Ta ut den siste energien i langrennsløypene

Langrennsløyper i Myrkdalen
Ta på deg skia ved Myrkdalen Hotel og få opp pulsen i langrennsløypene 

Har du energi til overs kan du boltra deg i både lysløype og 30 km med langrennsløyper direkte frå fjellandsbyen. Langrennsløypene i Myrkdalen er trakka for både skøyting og klassisk langrenn, men kan òg brukast som turløyper med fjellski.

Tre restaurantar å velgja melom

Restaurant Nuten på Myrkdalen Hotel
I Restaurant Nuten får du smakfulle rettar laga av reine, lokale råvarer

Etter ein lang dag på ski smakar middagen ekstra godt. På Myrkdalen Hotel finn du heile tre gode restaurantar med ulike konsept. Til felles byr alle på smakfulle rettar laga av reine, lokale råvarer. Finn din favoritt, anten det er steinovnsbakt pizza i Restaurant Tunet eller ein finare trerettar meny i Restaurant Nuten. Ynskjer du ei sosial matoppleving? Sjekk ut fondue-avdelinga på hotellet. 

Parker gratis ved Myrkdalen Hotel og la bilen stå under heile opphaldet – her er alt samla på ein plass.

Sjekk ut midtveketilbodet her! 

Sov godt på Myrkdalen Hotel 

Myrkdalen Hotel
Gå ikkje glipp av verdifull tid på pudderplankane dine! 

Synk ned i ei god seng på Myrkdalen Hotel og lad opp til ein ny innhaldsrik skidag i Myrkdalen! I tillegg til standardrom har hotellet mange ulike romtypar å velgje mellom – frå familierom med gjennomgang til elegante suiter av ulik storleik.