Barnefestival med Mikkel og Mikkeline

23. – 25. februar 2018 inviterar me for tredje gong til storslått barnefestival med Mikkel og Mikkeline! Dette blir ei drøymehelg full av opplevingar for dei minste. Mikkel og Mikkeline elskar å stå på ski i Myrkdalen og dei kjem til å vera her heile helga! Karneval, barnedisco, førestilling med Absence Crew, SkiLeik, barnerenn, pølsefest og mykje meir står på programmet.

Festivalpass 
Online bookinga er no stengt, men det er mogleg å kjøpa billettar i registreringa ved resepsjonen på Myrkdalen Hotel fredag ettermiddag og laurdag føremiddag. 

Fredag 23. februar
16.00 – 19.00: Registrering ved resepsjonen på Myrkdalen Hotel.
18.00 – 21.00: Karneval på Myrkdalen Hotel. Mikkel og Mikkeline gler seg til å kome innom karnevalet for å bli med på moroa. Me oppmodar både born og vaksne om å kle seg ut

Laurdag 24. februar
11.00 – 14.00: SkiLeik på Torget. Kjekke aktivitetar og leikar på langrennski. Det bli også leik i snøen utan ski. Det blir servering av svele og saft til borna. 
11.30: Barnerenn i Badnabakken med Mikkel og Mikkeline. Påmelding ved Mikkeltrekket frå kl 11.00.  
12.00 – 15.00: Klipp & Lim i Storebotn konferansesal på Myrkdalen Hotel. 
16.00: Show med Mikkel og Mikkeline i Storebotn konferansesal på Myrkdalen Hotel. 
16.30: Pølsefest i Storebotn konferansesal på Myrkdalen Hotel. 
19.00: Old School Danseshow med Absence Crew i trakkemaskingarasjen. (Anbefalt for born over 4 år). Trakkemaskingarasjen ligg ved Helgatun, ca 500 meter frå Myrkdalen Hotel. Me går i puljer frå hotellet frå kl 18.00/ 18.15 / 18.30. Lokalet er ikkje oppvarma, så kle dykk godt. 
20.00 – 22.00: Rock & Roll Barnedisco i Storebotn konferansesal på Myrkdalen Hotel. I starten blir gutane i Absence med og lagar liv og dansar med borna.

Sundag 25. februar
11.00 – 14.00: SkiLeik på Torget. Kjekke aktivitetar og leikar på langrennski. Det bli også leik i snøen utan ski. 
11.30:  Barnerenn i Badnabakken med Mikkel og Mikkeline. Påmelding ved Mikkeltrekket frå kl 11.00.  
12.00 – 15.00:  Klipp & Lim i Storebotn konferansesal på Myrkdalen Hotel.

PRISAR FESTIVALPASS FREDAG - SUNDAG 
Born: 500 kr
Born under 2 år og vaksne: Gratis 

Alle aktivitetane på barnefestivalen frå fredag - sundag er inkludert i festivalpasset. 

NB - Vaksne som skal fylgja borna på danseshow med Absence Crew, må kjøpa eigen billett til dette. Eldre born som berre vil sjå showet, men ikkje ta del i resten av festivalen, kan også kjøpa denne billetten. 

Old School Danseshow med Absence Crew 
Showet er inkludert for alle som har festivalpass. 
For andre kostar showet kr 200,- per person. 

I dette showet vaknar plutseleg gutane i Absence opp og innser at dei sit på aldersheim, gråhåra og gamle. Dagens viktigaste gjeremål er bingo og ein kopp kaffi. Sjølv om kroppen ikkje er det den ein gong var, tek dei seks breakarane opp kampen mot alderdomen for å halda eitt siste storslått show. 

Oldschool er ei førestilling om små gleder og opplevingar, som set livet i perspektiv. Ved hjelp av breaking, humor og ein god dose lårhalsbrekkande akrobatikk, viser Absence at det slettest ikkje treng å vera kjedeleg å bli gamal! Showet kostar kr 200,- per person og er anbefalt for born over 4 år. 

Skiskule for born
Under festivalen tilbyr Skiskulen undervisning til svært gode prisar. No kan du melda borna dine på nybyrjar alpint eller lett øva alpint for alderstrinna 4 - 6 år eller 7 - 9 år. Det er mogleg å melda borna på dagskurs laurdag eller sundag, eller 2-dagarskurs for heile helga. Alle kursa varar frå kl 10.00 - 12.00. 

Prisar og bestilling
Bestill billett til Oldschool Danseshow med Absence Crew