Senior Myrkdalen

Finn roa i Myrkdalen

Kvitkledde vidder, glitrande snø og mektige fjell. Kupert terreng som skapt for langrenn- og fjellskiturar. Magisk vinterlys over fjorden, kvilepuls og store naturopplevingar. 

Bestill Knalltilbod Midtvekepakke

Legg du turen til Myrkdalen midt i veka får du oppleva det fantastiske fjord- og fjellandskapet i fred og ro. Plassert kun 45 minutt frå Flåm og Nærøyfjorden, kan du kombinera herlege ski, fjell- og fjordopplevingar under opphaldet.

 

Skri i ditt eige tempo

Vel dei vekedagane som passar deg og vit at du har dei oversiktlege og breie løypene nesten heilt for deg sjølv. Gå rett i heisen og skri i ditt eige tempo.

Senior på ski

 

Oppfrisking av skiferdigheiter

Er det mange år sidan du har hatt alpinski på beina og ynskjer å friska opp skiferdigheitene? Eller ynskjer du rett og slett tips til korleis du kan få betre skiteknikk? Skiskulen i Myrkdalen Aktiv tilbyr ulike kurs, både privatundervisning og i grupper. Saman med ein kyndig instruktør kan du utforska løypene i Myrkdalen og bli betre kjent i skianlegget.

Ingen problem om du ikkje har skiutstyr. Dette kan du leiga hjå Myrkdalen skiutleige.

 

Ski inn - ski ut frå Myrkdalen Hotel 

Veteranpakker på Myrkdalen Hotel
I vekedagane får du skibakkane nesten heilt for deg sjølv


Frå moderne Myrkdalen Hotel kan du spenna på deg skia og skli ut i breie og oversiktlege løyper i alle vanskegradar. Skisenteret har ni heisar fordelt på to stolheisar, tre t-krokheisar, tre tallerkentrekk og eit saktegåande rulleband.

 

Dei 22 skiløypene blir preparert kvar einaste dag i vintersesongen, og like bra ein heilt vanleg tysdag som i helgene. 

 

Ein samlingsstad med tradisjonsmat midt i bakken

Fjellstova Vetlebotn ligg midt i bakken
Fjellstova Vetlebotn ligg midt i bakken

Plassert midt i skisenteret er Fjellstova Vetlebotn perfekt for ein pause frå skikøyringa. Her kan beina få ein kvil medan du får påfyll av energi frå den velfylte menyen. 

Her er det tradisjonsmat basert på kortreiste råvarer som er i fokus. Rettane er laga av reine ingrediensar frå regionen, og du får både enklare rettar som pølse frå Vossakjøt i brød og lapskaus frå Haugen Gardsmat til middagsrettar som kjøtkaker med tilbehøyr.

 

Matopplevingar på tre restaurantar

Restaurant Nuten
I Restaurant Nuten får du velsmakande à la carte rettar bastert på lokale råvarer


Kjærleik for mat og bruk av lokale råvarer kjenneteiknar kjøkkenet på Myrkdalen Hotel. På frukosten i Restaurant Nuten får du alt du treng for å halda energinivået oppe for ein ny dag, enten du skal på ski, ta turen til fjorden eller berre slappa av på hotellet. Her finn du blant anna heimelaga pølser, leverpostei, gravlaks og røykelaks, laga i vårt eige røykehus på utsida av hotellet.

 

– Du trenger ikke bare stå på ski når du er i Myrkdalen. Maten er også et trekkplaster.

(Bergens Tidende 7. april 2022)

 

Etter ein lang og innhaldsrik dag smakar det ekstra godt med middag. På hotellet kan du velja mellom varierte à la carte rettar, ost- eller kjøttfondue og heimelaga pizza som er viden kjend langt utanfor landegrensa.

 

Sov godt på Myrkdalen Hotel 

Junior suite på Myrkdalen Hotel
Myrkdalen Hotel har 112 rom i ulike storleikar. 

Hotellet ligg i hjarta av destinasjonen. Hotellet har 112 rom i ulike storleikar - frå standard rom til suiter med fleire soverom. Ynskjer du overnatting med sjølvhushald, kan du også bu godt i hytter og moderne leilegheiter med høg standard. 

 

Start langrennsturen frå Myrkdalen Hotel 

Langrenn til nettside
Start langrennsturen frå Myrkdalen Hotel


I Myrkdalen finn du også eit samanhengande løypenettverk for langrenn og turski, som ligg rett over vegen frå skisenteret. Her kan du skli gjennom skisporet også etter at sola har gått ned - lysløypa er på fram til kl. 22.00. Ynskjer du å bestiga ein fjelltopp er både Bjørndalskamben og Finnbunuten flotte dagsturar med utgangspunkt frå hotellet. 
 

Myrkdalen ligg midt i eit mektig landskap av fjell og fjord –  meir enn stort nok til at du kan kjenna deg liten – på den gode måten. Her får du den beste opplevinga. På ski og til fots. Nedover og bortover. Det ligg i vår natur.

 

Fjellski på Vikafjellet

Fjellski på Vikafjellet
Nyt dagen på Vikafjellet, kun 15 minutt køyring frå Myrkdalen Fjellandsby

Femten minutt køyring frå Myrkdalen Hotel ligg Vikafjellet, fjellområdet som strekk seg mellom Sognefjorden, Vossafjella og Masfjordfjella. I dette området er moglegheitene for fjellskiturar uendelege - enten du vil gå på langtur eller berre nyta ettermiddagssola i høgda. La praten gå i lettgått og småkupert terreng innover Sendedalen, nyt utsikta frå toppen av Fossfjellet mot Sognefjorden eller legg ut på fleirdagarstur i Stølsheimen.

 

Ta verdas vakraste togreise

Flåmsbana
Opplev verdas vakraste togreiser på vinteren

Lonely Planet har kåra Flåmsbana til ei av verdas vakraste togreiser - med god grunn! Ein tur med dette bratte toget, er noko alle bør oppleva minst ein gong i livet og turen er minst like vakker vinterstid.

 

Stegastein utsiktspunkt

Stegastein utsiktspunkt
Stegastein utsiktspunkt ruvar 650 meter over Aurlandsfjorden

Er du i Flåm, må du leggja turen innom Stegastein utsiktspunkt, som byr på panoramautsikt over fjorden og fjella rundt. Plattforma stikk 30 meter ut i lufta og gjev deg kjensla av å stå i lause lufta. 
 

Bestill Knalltilbod Midtvekepakke