Kafè i Myrkdalen

Fjellstova Vetlebotn

Endeleg opnar me kafé i Vetlebotn! Fjellstova Vetlebotn ligg like ved Kari Traa-trekket. Kaféen passar like ypparleg som samlingsplass for familien eller venegjengen på ski, som for deg som skal arrangere selskap eller møte. Vetlebotn har mat basert på lokale råvarer og oppskrifter, og eit lokale som hyllar den lange historia for stølsdrift i Myrkdalen.

Opningstider & menyar Restaurantar & kafèar tunet

Vetlebotn

Ein samlingsplass med tradisjonsmat i bakken 

Plassert midt i skisenteret er Fjellstova Vetlebotn perfekt for ein pause frå skikøyringa. Her kan beina få ein kvil medan du får påfyll av energi frå den velfylte menyen. Med plass til opp mot 200 gjester utvidar dette kafékapasiteten vår betrakteleg, og du treng ikkje stå heile vegen ned att til sentrum for å få deg ein kaffi eller må på toalettet. 

Fjellstova Vetlebotn

Her er det tradisjonsmat basert på kortreiste råvarer som er i fokus. Rettane er laga av reine ingrediensar frå regionen, og du får både enklare rettar som pølse frå Vossakjøt i brød og lapskaus frå Haugen Gardsmat til middagsrettar som kjøtkaker med tilbehøyr.

Me har også gode alternativ til deg som ikkje ynskjer kjøt.

Gamalt bilete viser familie i finstasen på Mørkvesstølen

Ein ode til stølskulturen i dalen 

Stølsdrift har historisk vore ein viktig del av livet i Myrkdalen. Sidan Fjellstova Vetlebotn ligg nettopp på ein støl, ynskjer me å gje litt heider til denne delen av landbruket. Me har difor samla inn og hengt opp gamle bilete slik at du kan få eit lite innblikk i stølslivet før i tida.  

Stølane var tradisjonelt kvinnene sitt domene. På somrane flytta dei opp hit som budeier, for å ta seg av dyra og foredle mjølka.

Tru likevel ikkje at livet på stølen berre var idyll med mjølking av kyr og kinning av smør.

Etter morgonstellet med dyra, gjekk budeiene kvar dag ned att på garden for å delta i slåtten og laga mat til mennene. Tilbake på stølen var det tid for å lokalisere kyrne og ta kveldsstellet. Midt på sommaren var det stølshelg. Då samlast alle frå dei ulike gardane seg på stølen til eit triveleg samling med heimelaga rømmegraut. Rømmegraut står sjølvsagt på menyen i dag óg.

På hausten, når dyr og menneske var reist heim att, flytta huldrefolket inn på stølen.

Ein plass for selskap og møter 

Fjellstova Vetlebotn er også ein fin plass å arrangera møter, selskap eller konferanse. Ta kontakt med oss dersom du ynskjer meir informasjon eller vil bestille.

Vetlebotn