Hyttekos midt i veka: Bu i leilegheit og få heiskort inkludert
I vinter tilbyr me gunstige pakkeprisar på leilegheiter, inkludert heiskort i midtvekene. Midt i blinken for deg som ynskjer å ha fjellet heilt for deg sjølv, medan alle andre er på jobb.
Send e-post:
Leig leilegheit med heiskort inkludert
(Kampanjen gjeld ikkje i veke 9 og 15.)
Har du skift- eller turnusarbeid, eller av heilt andre årsaker har fri midt i vekene, kan du dra nytte av dette tilbodet. Kanskje de er fleire skiglade kollegaer eller venepar som har fri samstundes, og vil reisa på ein liten miniferie i lag?
Skikøyring i umiddelbar nærleik
Bu i moderne og komfortable leilegheiter for minimum 2 netter og få 3-dagars heiskort inkludert.
Bestiller du overnatting i leilegheit har du fin skikøyring i umiddelbar nærleik i Vestlands mest komplette skisenter, med nypreparerte løyper og variert offpiste-terreng. Ver fyrstemann i heisen og opplev urørt pudder på formiddagen. Midt i vekene er fjellet nesten berre ditt!
Få «hyttekos-kjensla»
Etter ein fartsfylt dag i løypene er det godt å koma inn og kjenna på «hyttekosen». Få fyr i peisen – Ha det lunt og godt medan middagen godgjer seg i omnen.
Alle leilegheitene i Myrkdalen Fjellandsby er fullt utstyrt for sjølvhushald, inkludert kjøkken med oppvaskmaskin, bad med dusj og toalett, sofagruppe, TV og spisebord. Det er gangavstand til restaurantar, kaféar og aktivitetsområde.