Pudderparadiset Myrkdalen

Kortreist ferie til Myrkdalen i vinter

Tenk om du kunne dra til ein stad med snøgaranti. Til eit skisenter med tilbod til absolutt alle, uansett nivå. Til ein stad der løypene alltid er nypreppa, og urørt nysnø er nokre stavtak unna. Alt dette og meir til finn du i Myrkdalen – Vestlandet sitt eige vinterparadis.

Derfor er skiferien til Myrkdalen eit godt val i vinter:

Snøsikker destinasjon 

Søsikre Myrkdalen
Myrkdalen er eit av dei mest snøsikre skianlegga i Noreg.

Med nypreppa løyper og eit tilbod som passar absolutt alle er skisenteret i Myrkdalen kåra til eit av dei beste i Noreg. I Vestlandet sitt største skisenter finn du familievenlege bakkar, løyper i alle vanskegradar, parkar, skicross-løyper og herleg off-piste terreng.

Dessutan er Myrkdalen eit av dei mest snøsikre skianlegga i landet og sesongen varar som oftast frå november til mai.

Her kan du boltre deg i snø gjennom heile skisesongen – og no som vinteren nærmar seg, kan det lønne seg å starte planlegginga.

Heile familien på ski

Familievenlege Myrkdalen
Familievenlege Myrkdalen. 

Det er leikande lett å ta med familien på ski i Myrkdalen. Barneområdet ligg i sjølve basen av skisenteret, med enkel tilkomst frå parkering, leilegheiter og Myrkdalen Hotel. 
Området har eit saktegåande rulleband for dei aller minste, to tallerkentrekk,  tre varierte grøne løyper og «Reveparken» som består av enkle og leikne parkelement. I helger og feriar gjennom vintersesongen er det sjølvsagt mange aktivitetar og arrangement for born og unge.

Les også Ta med borna på ein aktiv skiferie
Ta med barna på en aktiv skiferie i Myrkdalen

Pudderparadiset Myrkdalen 

Pudderalarm i Myrkdalen
Pudderalarmen går ofte! 

Myrkdalen er blant skistadane som tronar aller høgast på snømålingane gjennom skisesongen i Noreg. Terrenget rundt skisenteret er perfekt for frikøyring, og det er lett tilkomst frå heisane til store område eigna for laussnøkøyring. Gjennom vinteren kan ein høyra gledesrop og latter frå dei som flyt gjennom pudderet – og nettopp pudderdagar er det mange av i Myrkdalen. 

Bestill før 1. november Få inntil 25 % rabatt på feriepakka som inkluderer overnatting på Myrkdalen Hotel, middag og heiskort
Sov godt på Myrkdalen Hotel

Ski inn – ski ut

Ski inn - ski ut frå Myrkdalen Hotel
Ski inn - ski ut frå Myrkdalen Hotel. 

I hjarta av Myrkdalen Fjellandsby finn du moderne Myrkdalen Hotel, med ski inn – ski ut tilkomst til skisenteret og langrennsarenaen i Årmotslia. Ynskjer du meir boltreplass for familien kan du også bu godt i hytter og leilegheiter av høg standard. La bilen stå parkert heile ferien og bruk tida på gode opplevingar med familie og gode vener.  

Opplev Flåm og Nærøyfjorden 

Fjordcruise Nærøyfjorden
Nærøyfjorden vinterstid er magisk! 

Snaue 45 minutt køyring frå Myrkdalen finn du den vesle fjordbygda Flåm inst i Aurlandsfjorden, som er velkjend for det majestetiske fjordlandskapet. Her står opplevingane i kø - nyt urørt, rå og vakker natur på eit fjordcruise, ta verdskjende Flåmsbana, eller bli bergtatt av panoramautsikta frå Stegastein utsiktspunkt.

Restaurant Arven på Fretheim Hotel får du tradisjonsrettar med ein moderne vri laga av lokale råvarer. Treng du påfyll mellom aktivitetane eller ynskjer du å ta med niste på tur, kan du stikka innom Flåm Bakeri for heimelaga sandwichar og andre bakevarer bakt på surdeig

Pust ut i Årmotslia langrennsarena

Langrenn i Myrkdalen
Gje borna skiglede i Årmotslia langrennsarena. 

Ferien i Myrkdalen byr også på gode opplevingar for dei som vil gå på langrenn- eller fjellski. Så snart snøen har lagt seg kan du utfalda deg i 30 km preparerte løyper i Årmotslia, som ligg rett over vegen frå skisenteret. Området er kupert og passar fint for både treningsentusiastar og barnefamiliar som har skileik, varm kakao og kos på agendaen. 

Satsar på park

Park i Myrkdalen

Myrkdalen har også tenkt på dei som vil meir enn å kun køyre alpint. Park er eit område det blir satsa på, og i dei fire populære parkane er det utfordringar for ein kvar smak. Her finn du hopp og rails i alle utgåver.  X Games-veteranen Klaus Finne har laga ei signaturlinje – ei kreativ løype med mange snøelement. 

God mat & drikke

Restaurant nuten

Kjærleik for mat og bruk av lokale råvarer kjenneteiknar kjøkkenet på Myrkdalen Hotel. Her blir rettane laga frå botn av og mykje av råvarene blir levert av lokale bønder. Hotellet har tre restaurantar med à la carte, fondue og heimelaga pizza som er viden kjend langt utanfor landegrensa. Her finn du også tre kafèar, med velsmakande rettar for folk i farta.

Unik overnatting i Tråfjosen

Unik overnatting i Tråfjosen
I sørenden av løa er det installert ein modul der tre vaksne eller to vaksne og to born kan overnatta.

I Myrkdalen har du sjansen til å overnatta i ei gamal løa, omgjeven av historie og vakker natur. Ein snau kilometer frå Myrkdalen Hotel ligg Tråfjosen, ein fjøs der kyr på sommarbeite vart samla og mjølka i gamle dagar. Fjøsen har stått tom i over førti år, men no blir den tatt i bruk att - som overnattingsstad for folk.

Ta toget til Voss 

Kort reiseveg frå Bergen til Myrkdalen
Ta toget og buss til Myrkdalen!

Det er enkelt å koma seg til Voss med tog frå Oslo og Bergen, og gratis skibuss vidare til Myrkdalen. Å køyre frå Bergen til skisenteret er gjort på under to timar. Frå Oslo tek det ca fem timar og raskaste fjellovergangen er Hemsedalsfjellet.