Koseleg førjulsfeiring med julegrantenning og juleverkstad
Førjulstida kan vera travel, men klarar ein å roa ned, er den magisk og stemningsfull. Fyrste helga i desember inviterer me til ei lun og stressfri helg der familietid og kjente og kjære førjulstradisjonar står i fokus.
LAURDAG 2. DESEMBER
Kl. 11.00 – 14.30: Juleverkstad
Me inviterer store og små til juleverkstad i Pudder på Myrkdalen Hotel. Verkstaden kostar 75 kr. Her samlast me rundt borda og slepp kreativiteten laus. Kanskje vert det heimelaga julepynt, og ei gåve eller to? Det vert også ansiktsmåling av nissefjes.
Kl. 14.30 - 15.00: Julegraut i Salto
Her vert det sal og servering av tradisjonell risgraut med smørauge, sukker og kanel. Den smakar ekstra godt i juletida.
Kl. 15.00: Tenning av julegran
Kom i julestemning når me samlast rundt julegrana på Torget og tenner ljosa. Kos dykk medan me serverer varm julegløgg og peparkaker til alle.
Velkomen til ei koseleg førjulshelg
Nyt helga frå morgon til kveld
For dykk som vil kjenna på den koselege førjulsstemninga med skikøyring, overnatting, god mat og underhaldning, kan me føreslå hotellpakka med:
- Overnatting laurdag til søndag
- Frukost 4-rettar julemiddag i Restaurant Nuten laurdag
- Underhaldning i Salto Lobby Bar kl. 21.30 med lobbygitarist Olav Undeland
- DJ i Pudder Afterski
- Heiskort 1 valfri dag