Her kan du fiske i meir enn 500 fiskevatn og elver

Det nappar i snøret og spenninga stig. Er det storauren som har bitt seg fast? Voss byr på innlandsfiske i meir enn 500 fiskevatn og elver, og moglegheiten for å dra i land mektige naturoppleving i majestetisk vestlandsnatur er stor.

Enten du er erfaren fluefiskar som Ingvild Aurdal, berre har halde på nokre få sesongar eller er heilt fersk, er innlandsfiske i Myrkdalen, Voss og Vikafjell heilt unikt. Hit kjem òg folk frå Amerika, Nederland, Belgia og England for å prøve fiskelykka.
– Det er mange som fortsatt ikkje er klar over kor mange vatn og elvar det fins her, og at vi er bortskjemt med flott kvalitetsfisk, fortel Ingvild Aurdal.
Sjølv har ho fiska sidan ho var fem år gamal, men det var først i 2009 at ho prøvde seg på fluefiske. Sidan den tid har Aurdal halt i land fleire NM-gull, deltatt i EM og VM samt rukket å bli den første kvinnelige autoriserte fluekasteinstruktøren gjennom NJFF.

Midt i naturen
Aurdal er vakse opp på ein gard i Ulvik med elva like utanfor stuedøra, og det er fortsatt elvefiske som er favoritten.
– Å stå midt uti elva med rennande vatn rundt seg og sjå etter vak som ein kan kaste etter er spennande, beskriv ho, og legg til at fluefiske handlar både om observasjon, det å finne roen og ikkje minst teknikk og kunnskap.
– Det er så visuelt fordi ein ser alt som skjer. Med klåre vatn og fisk som hoppar, vert det ekstra viktig å gjennomføre gode kast slik at ein får presentert flua på ein måte som gjer at fisken trur det er eit ekte innsekt. Timing betyr mykje, fortel Ingvild Aurdal.

LES OGSÅ: Fluefiske for nybyrjarar- lær deg sporten på 1-2-3

Guida fisketurar

No går fluefiskaren inn i sin trede sesong som guide, og ho ser fram til nye opplevingar i lag med både norske og utanlandske turistar.
– Guidinga er så mykje meir enn å berre dra på fisketur – her er det snakk om å oppleve landskapet ein bevegar seg i, ha fokus på kasteteknikk, lære om innsekter og ikkje minst korleis fisken oppfører seg både i elvar og vatn. Kunnskap og lærdom som tek fiskeopplevinga til nye høgder.
Og tilbakemeldingane frå dei ho har med seg på tur, er ofte dei same. Liten som stor, erfaren som uerfaren, frå inn- eller utland, dei aller fleste lar seg begeistre av den frodige, fargerike og kontrastfulle naturen med snøkledde fjelltoppar, irrgrøne bakkar og krystallklare vatn.

Ikkje dårleg fiskevêr

Og med over 500 fiskevatn og elvar å kaste fluer i, er det godt at det ikkje fins dårleg fiskevêr. Sommar som haust kan Vestlandet by på solrike, heite dagar eller pøsande regn og storm i vindkasta.
– Det kule med fluefiske er at det er så lite vêravhengig, sidan fiske er lett å tilpasse. Om sola skin eller regnskuren nettopp har gitt seg spelar lita rolle for kor mykje fisk ein får, spesielt når ein har kunnskap om innsektsliv og korleis fisken oppfører seg under ulike forhold. Fisken kan vera vrang og lite svolten, men då gjeld det å vera kreativ, legg Aurdal entusiastisk til.