haren Finn på ski

Møt den kule kompisen vår, haren Finn

Haren Finn har hiet sitt på eit av dei høgaste fjella i Myrkdalen. Han meiner sjølv at det er difor det heiter Finnbunuten. Finn er ein sprek og artig type som diggar å hoppa rundt, og er veldig glad i å både stå på ski, sykla og leika i fjella rundt Myrkdalen.

Han likar å møta folk, spesielt born og ungdom. No vil han få seg nye vener, og framover vil han dukka opp i Myrkdalen med jamne mellomrom!

High five med haren Finn

 

I vinterferien har han laga til nokre aktivitetar for heile familien.

 

Finn Finn!

Vår gode ven likar å sjå på livet i skianlegget. Det er så herleg å fylgja med på alle som susar rundt på ski og snowboard. Heis opp, løype ned. Kanskje nokon hopp, svingar og triks undervegs, for så å ta ein heis opp att. På løypekartet har han «gøymt» seg fleire stader. Sjå om de klarar å sjå eit bilete av han på alle punkta i løpet av skidagen!

Finn løypekart

Trykk på kartet for å få det større.

Tips: For å klara dette må de utforska heile skianlegget og ta mange av heisane våre.

 

Finns Natursti i Årmotslia

Det er ikkje berre nedoverski som gjeld når ein er på ferie i Myrkdalen. Her kan de også gå i preparerte langrennsløyper rett frå døra. Skistadion i Årmotslia ligg på andre sida av vegen for fjellandsbyen. Her kan de gå over skibrua.

Finn er også glad i å læra andre nye ting. Difor har han hengt opp 8 postar med spørsmål for både born og vaksne undervegs. Det er jo alltid kjekt med litt ekstra motivasjon for å fortsetja turen.

Klarar de svara på alle oppgåvene?

 

Møt Finn i Badnabakken

Finn er veldig glad i å stå på ski. Mesteparten av tida er han på ski i fjella over og rundt skianlegget. Men av og til kjem han ned for å ta nokre rundar i bakken.

Kvar sundag kan borna møta han i Badnabakken etter barnerennet kl. 14.00. Her kan dei ta ein high five eller køyra på ski saman.

 

TIPS: Finn er sunn og oppteken av mat, og både i Restaurant Nuten, Restaurant Tunet og i Myrkdalsstovo 2. etasje kan de velja «Finns Mattips» på menyen 😊