Myrkdalen ligg midt i eit mektig landskap av fjell og fjord. Her er lett å koma til – 2 timar frå Bergen og 5,5 timar frå Oslo.
Myrkdalen er kjent for å vera ein komplett og snøsikker destinasjon som mange har på bucket-lista si, og fleire og fleire ski-entusiastar frå inn- og utland har funne vegen hit dei siste åra.
- Det er dei velpreparerte løypene og urørt pudder som har stått høgt i kurs, kan forretningsansvarleg for Myrkdalen, Kaia Finne fortelja.
Med ski inn - ski ut Myrkdalen Hotel like ved bakken er det berre å spenna på seg skia etter ein god frukost og skli rett ut i nypreparerte løyper.
TIPS: Reis til Myrkdalen i midtvekene når det er færre folk. Då har du fjellet nesten heilt for deg sjølv.
Myrkdalen Hotel tilbyr fleire hotellpakkar til gunstige prisar - og med skikort inkludert.
Gjennom skisesongen er Myrkdalen blant norske skistader som tronar høgast på snømålingane.
- Ein kvar topptur-entusiast kan få oppfylt sin våte draum om spennande frikøyringsmoglegheiter, seier Kaia og smiler entusiastisk.
Ho veit kva ho snakkar om. Ho er nemleg ein av dei som jaktar ivrig etter dei beste linjene, og kan ikkje få nok av rå skikøyring.
TIPS til topptur:
Begge tek utgangspunkt frå skisenteret og er flotte dagsturar som byr på fin utsikt.
For deg som ikkje er så godt kjent i området kan du få skreddarsydd draumetoppturen med guide.
Ynskjer du å utforska det beste Vest-Noreg har å by på av fjell og fjord i vinter?
Bestill hotellpakka Ski- og fjordoppleving
Frå kr 4760 per person.
TIPS til skientusiasten: Er det éin ting du ikkje bør gå glipp av når du fyrst reiser på skiferie i Vest-Noreg, er å ta den ikoniske Flåmsbana. Hopp så av toget på Vatnahalsen og førebu deg på årets råaste skikøyring med fine nedfartar i alle himmelretningar!
Det er også fine forhold for fjellski, dersom du føretrekk det. Gå langs Rallarvegen, ta ein runde rundt Reinungavatnet eller få utsikt frå Reinunga eller Skjebergsnuten.
- Me formidlar gjerne kontakt til sertifiserte fjellførarar om nokon ynskjer det, seier Kaia.
Omkransa av fjell og fjord har gjeve Myrkdalen eit særpreg som byr på kontrastfylte opplevingar.
Kaia fortel at det ikkje berre handlar om fartsfylt skikøyring, pudder og strøkne løyper.
- Me byr også på fleire aktivitetar utan ski på beina, og berre 35 minutt unna kan du få spektakulære og eksotiske fjordopplevingar som Vest-Noreg er kjent for.
Dersom du ikkje har bil kan du ta bussen som går året rundt mellom Myrkdalen Flåm.
Og Kaia avsluttar med eit smil:
Flytande badstue med den fjordutsikta må vera den perfekte avkoplinga etter aktive dagar på ski.
Pudder til frukost og fjord til kvelds!
