Tilbod
Favorittsesongen vår er rett rundt hjørnet og me er klare for å gje deg dei beste skiopplevingane i vinter.
Sesongkortkampanjen er i gong og varar til 31. oktober. Best pris får du fram til 2. oktober, med rabatt + 2 valfrie dagar i Voss Resort.
Som i fjor gjeld sesongkortet for vintersesongen og sommarheisen som går i juli og august.
Tilbodet gjeld til 31. oktober
Sesongkortet gjeld alle dagar og kveldskøyring vinter 2022/2023 og sommarheis juli og august 2023.
Tilbodet gjeld til 31. oktober
Sesongkortet gjeld alle dagar og kveldskøyring vinter 2022/2023 og sommarheis juli og august 2023.
84 kort igjen
Gjeld i Myrkdalen vinter og sommar, Voss Resort vinter 2022/2023 og Fonna Glacier Ski Resort sommar 2023.
Knalltilbod
Ekstra godt tilbod til deg som er fulltidsstudent over 18 år, vernepliktig eller pensjonist over 70 år. Kortet gjeld vintersesongen 2022/2023 og sommarheisen juli og august 2023.
Me ynskjer at flest mogleg born skal få oppleva skigleda, og tilbyr sesongkort til redusert pris (kr 2200,-). Dette tilbodet er retta mot born og ungdom i alderen 7-19 år busett i Voss herad, som veks opp i familiar med samla brutto inntekt under kr 450 000,-.
For meir info kontakt John Ivar Norheim: john.ivar.norheim@myrkdalen.no / 916 18 095.
Med sesongkort får du 20% rabatt på voksing/sliping hjå Myrkdalen Skiutleige i 2022/2023.
Snøproduksjon som normalt
Me har sikra oss fastprisavtale på straum og planlegg snøproduksjon som normalt. I Vetlebotn kjem me til å utvida snøanlegget for å sikra oss tidleg opning og stabil drift, spesielt tidleg i sesongen.
Utvida satsing på park med ny "Adventure Slope"
Dei siste åra har me satsa stort på å utvikla parkane våre saman med ShapeCrew, og har blitt kjend for å ha flotte parkar for ski- og snowboard-frelste på Vestlandet. Nytt i år er at me utvidar parktilbodet med «Adventure Slope» i Storhaugen, ned til Storhaugekspressen. Det blir som ei berg-og-dal-bane på snø, ei moderne løype med morosame parkelement for store og små.
Større aktivitetstilbod for barnefamiliar
Aktivitetstilbodet for born vert også større. Gle dykk til fleire spennande nyheiter rundt det populære barneområdet, like ved Myrkdalsekspressen. Kanskje de oppdagar noko uventa i skogen ved Revehiet, medan de skrir nedover mellom trea? Her skal me iallfall rydda vekk småkratt og laga til fleire skogsløyper med fine svingar, rails og små hopp.
Me har også store nyheiter på gong nedanfor Badnabakken. Ikkje umogleg at det dukkar opp ei stor(!) snøborg i løpet av sesongen. Kryss fingrane for at me får ein snørik vinter!
På Torget vil det i år bli tilrettelagt for meir aktivitet med bl.a. Finns langrennskarusell kvar helg - sjølvsagt med medaljeutdeling, akkurat som på barnerennet i Badnabakken. Er me heldige kan det henda at haren Finn plutseleg dukkar opp.
Me gler oss skikkeleg til vinteren kjem, håpar du også gjer det!
Utvida snøanlegg
Me jobbar for å optimalisera snøproduksjonen og kjem til å utvida snøanlegget i Vetlebotn med fleire snølanser. Dette vil sikra oss tidleg opning og stabil drift, spesielt tidleg i sesongen.
Håpar de gler dykk like mykje til vinteren som oss!
