Barnevenlege Myrkdalen

Barneområdet vårt ligg i sjølve basen av skisenteret, rett ved sida av Myrkdalsstovo med enkel tilkomst frå parkering og hotell. Området består av to tallerkentrekk, eit saktegåande rulleband for dei aller minste og fire varierte grøne løyper. I helger og feriar gjennom vintersesongen har me mange aktivitetar og arrangement for born og unge.

Det er leikande lett å ta familien med på ski hjå oss! Barneområde ligg tett på parkering og alle fasilitetar. 

Badnabakken vår er rett og slett ein perfekt plass å læra å stå på ski:
- Brei og oversikteleg bakke
- Saktegåande rulleband
- To tallerkentrekk
- Morosame skogsløyper
- Enkel parkering
- Tett på velkomstsenter, skiskule, skiutleige, servering og hotell med leikerom
- Kjekke aktivitetar og arrangement
- Reveparken: enkle og leikne parkelement for born og nybyrjarar

LES OGSÅ: Gje borna skiglede!

Nyheit! Myrkdalen BaseCamp
Denne vinteren skal me endeleg ta i bruk torget til leik og moro for born og familiar. Kvar laurdag og fleire dagar i ferievekene arrangerer me BaseCamp med kjekke aktivitetar med og utan ski for familiar.

Nyheit! Rebusløp
Onsdag i jule-, vinter- og påskeferien inviterer me alle born og familiar til å bli med på rebusløp i Myrkdalen Fjellandsby. Arrangementet er gratis og alle er velkomne!

Barnerenn kl. 12.00 kvar helg og i feriar
Barnerenn i Badnabakken kvar sundag frå 15. desember! Påmelding ved heisbua frå kl. 11.30. Alle deltakarar køyrer med startnummer og får premie.

Skiundervisning for born
Du kan bestilla skiundervisning til borna kvar dag hjå skiskulen. La våre kunnskapsrike og barnevenlege skilærarar leggja grunnlaget for meistring og ekte skiglede!