Langrenn & Fjellski

For deg som vil trena langrenn eller ynskjer familievenlege turar ligg Årmotslia rett over vegen for skisenteret. Her er det preparerte løyper og 5 km lysløype - perfekt for dei som vil ta ut den siste energien med ei kveldsøkt. Lysa er på til kl 22.00 kvar kveld.

Last ned turløypekart (PDF) for Myrkdalen

På Vikafjellet er det gode høve for fine fjellskiskiturar i dei vakre fjellområda – her finn du både toppar og slake vidder. Ein vanleg plass å starte frå, er parkeringplassen like ved Fylkesgrensa mellom Hordaland og Sogn og Fjordane. Vikafjellet er godt eigna både for langturar og barnefamiliar som vil på pulktur og nyta snøen. Områda rundt Myrkdalen har også fint turterreng. Flotte turar som Bjørndalskamben og Finnbunuten passar best når vêret er fint og stabilt. 

Hugs å ta med kart og kompass! Dette kan du kjøpa hjå Myrkdalen Sport & Skiutleige. 

Løypene vert ikkje tråkka meir denne sesongen. For turvandring på ski vil det vere fint å gå nokre veker til på Vikafjellet, men også der er det lite snø i år. Me kjem tilbake med info ila sommaren om status på arbeidet med utvikling av langrennstilbodet for neste sesong. Det  veit no er at skibrua over hovudvegen kjem innan 01.12.2019

Dei ulike fargekodane på løypekartet betyr følgjande:

Lysegrønt: Mindre enn 3 timar sidan
Mørkegrønt: I dag, meir enn 6 timar sidan
Blå: I går
Lilla: To dagar sidan
Oransje: 3-15 dagar sidan
Raud: 15 - 30 dagar sidan
Svart: Meir enn 30 dagar sidan