Reisetips for deg som er glad i kajakk

Myrkdalen ligg i hjarta av Fjord Norge, berre 40 minutt frå Sognefjorden i nord og den UNESCO-lista Nærøyfjorden i aust, og er såleis eit perfekt utgangspunkt for fantastiske opplevingar i kajakk. Kajakk er ein kjekk aktivitet for barn og familiar, då ein kan nyta den spektakulære vestlandsnaturen trygt saman i ein tandem havkajakk.

Guida havkajakktur i Sognefjorden

Havkajakk i Myrkdalen

De blir henta på Myrkdalen Hotel og me køyrer over høgfjellsterrenget på Vikafjellet og ned til Arnafjorden. Dette er ein solfylt fjordarm av Sognefjorden som er omkransa av dei majestetiske fjella Fagerdalsnipa og Jambueggi.

Denne turen kan anbefalast for alle som er på jakt etter ein aktiv familietur i naturskjønne omgjevnader. 

Vel nede ved fjorden får ein utdelt utstyr og guiden demonstrerer både bruk av utstyret og sikkerheitsrutinar. For famliar med barn kan ein sitja i ein tandem kajakk, der den vaksne sit bakerst og styrer kajakken. Så er det berre å nyta fjorden - lengde på tur blir tilpassa kvar gruppe. 

Forfriskande bad

Bading i Sognefjorden

Turen inneheld gode pausar og fjorden lokkar til forfriskande bad på varme sommardagar. Det er aktivitetstilbydaren Outdoor Norway som tilbyr denne flotte turen, som kan bestillast tre dagar i veka frå mai til september. 

LES OGSÅ: Årets beste havkajakktur

Elvekajakk 

Tandem elvekajakk

Ekstremsportstaden Voss er kjend for sine elver i verdsklasse - her kjem folk frå inn- og utland for å oppleva fossar og stryk i krystallklårt vatn. Ved fyrste augekast ser det ut til at denne sporten kun er for våghalsar, men slik er det ikkje. 

Du kan faktisk oppleva gleda og spenninga ved elvepadling utan å ha erfaring frå før - på tandemtur med ein sertifisert instruktør!

Tandem elvekajakk
Aktivitetstilbydarane Kayak Voss og Outdoor Norway tilbyr tandemtur i elvekajakk i heile sommarsesongen. I tandem kajakk kjem ein enno tettare på elva samanlika med rafting - dette er rett og slett ei unik naturoppleving kombinert med spaning og adrenalin. Instruktøren sit bakerst i båten og styrer kajakken trygt gjennom stryka, medan du sit fremst - tett innpå dei mektige naturkreftene. 

Kajakkutleige

Havkajakk i Myrkdalen

Om du har erfarig med havkajakk frå før og ynskjer å padla på eigenhand, har Nordic Ventures både tandem og singel kajakk til utleige. Nordic Ventures finn du i Gudvangen, i enden av UNESCO-lista Nærøyfjorden. Gudvangen ligg ca 30 minutt frå Myrkdalen.