Vinterferie i Myrkdalen

Ta med borna på ein aktiv skiferie

Legg du skiferien til Myrkdalen, får du oppleva eit skisenter med tilbod til alle, uansett nivå. I Vestlandet sitt eige vinterparadis ligg alt til rette for at familien får dei gode opplevingane saman. 

Eit komplett skisenter

Pudder i Myrkdalen
I Myrkdalen ligg alt til rette for ein herleg vinterferie for store og små. 

I Vestlandet sitt største skisenter finn du familievenlege bakkar, løyper i alle vanskegradar, parkar, skicross-løyper og herleg off-piste terreng. Her ligg alt til rette for at mor, far og born får den perfekte skiferien saman. 

Born på ski i Myrkdalen
Ski inn - ski ut til barneområdet i basen av skisenteret! 

Barneområdet ligg i sjølve basen av skisenteret, med enkel tilkomst frå parkering, leilegheiter og Myrkdalen Hotel. Området har eit saktegåande rulleband for dei aller minste, to tallerkentrekk, tre varierte grøne løyper og «Reveparken» som består av enkle og leikne parkelement.

Juleferie på Myrkdalen Hotel  Få inntil 20 % rabatt på halvpensjon ved 2 eller fleire netter
Sov godt på Myrkdalen Hotel

I Myrkdalen er alt samla på ein stad. La bilen stå parkert heile vinterferien og bruk tida på gode opplevingar med familien 

Dedikete skilærarar hjå Myrkdalen Skiskule

Skiskole i Myrkdalen
Knekk skikoden hjå Myrkdalen Skiskule. 

Alle born er ulike, nokon er tøffe og andre er meir forsiktige. Felles for alle er at dei lærer mest når dei har det kjekt. Dette gjer dei trygge, skapar skiglede og gjev motivasjon til å øva i bakken. 

Skinstruktørane og skilærarane hjå Myrkdalen Skiskule er alle utdanna gjennom Den Norske Skiskole, og dei har eit mangfald av teknikkar som gjer det kjekt å stå på ski. 

Skiglede i langrennsløypene

Langrennsløyper i Myrkdalen
Spenn på skia rett utanfor Myrkdalen Hotel.

I Myrkdalen finn du også eit samanhengande løypenettverk for langrenn og turski. Fyll sekken med ved, spade, god mat og drikke og spenn på dykk skia rett utanfor Myrkdalen Hotel. Ta ein runde rundt stadion, bygg hopp og leik i snøen eller legg ut på langtur mot Revhaugen eller Bygdadalen. 

Området er kupert og passar fint for både treningsentusiastar og barnefamiliar som har skileik, varm kakao og kos på agendaen. 

Mat for store og små

Familievennlig restaurant i Myrkdalen
Det går gjetord om den steinomnsbakte pizzaen vår! 

Kjærleik for mat og bruk av lokale råvarer kjenneteiknar kjøkkenet på Myrkdalen Hotel. Her blir rettane laga frå botn av og mykje av råvarene blir levert av lokale bønder.
I familierestauranten Tunet får du både pastarettar og den beste steinomnsbakte pizzaen i mils omkrets

I Restaurant Nuten kan du bestilla velsmakande à la carte rettar– og til borna har me sjølvsagt ein eigen barnemeny.

Ski inn – ski ut  

Ski inn - ski ut frå Myrkdalen Hotel
Myrkdalen Hotel har familierom og suiter som er eigna for familiar

Treng du boltreplass for heile familien kan du bu godt i hytter og leilegheiter av ulik storleik. Alle einingane har høg standard og dei fleste med ski inn – ski ut. 

Leilegheiter med sjølvhushald  Nyt ferien i romslege og moderne leilegheiter 
Moderne leiligheter i Myrkdalen

Ynskjer du hotellferie, har moderne Myrkdalen Hotel eit utval av større rom og suiter som er eigna for familiar. Her kan du også bestilla to standard rom med dør i mellom for litt ekstra plass og komfort til både vaksne og born. 

I alle feriar og helger har me eit innhaldsrikt program for alle aldersgrupper

Aktivitetar utan ski

Huskytur i Myrkdalen
Gjennom vinteren kan ein bestilla huskyturar i Myrkdalen.

Ferien i Myrkdalen inneheld ikkje berre leik med ski på beina. Avslutt dagen med ein fartsfylt aketur, bli med på ein stemningsfull kveldstur med hest og slede, finn roen på ein guida isfisketur, eller gje borna ei unik oppleving på tur med hundespann. 

Les også Innhalsrikt juleferieprogram
Juleferie i Myrkdalen

Vil du tilbringa ein ettermiddag på Voss, kan me anbefala ein stopp i vindtunnelen.  Her kan ein oppfylla draumen om å fly som supermann og få eit minne for livet. I Vossabadet, midt i Voss sentrum, finn du også ein innandørs badehall med tre basseng, stupetårn og sklie.

Opplev Flåm og Nærøyfjorden

Fjordsafari vinter
Det magiske vinterlyset over fjella og fjorden er noko alle bør oppleva! Foto: Thea Hermansen

Snaue 45 minutt køyring frå Myrkdalen finn du den vesle fjordbygda Flåm inst i Aurlandsfjorden, som er velkjend for det majestetiske fjordlandskapet. Dette området er ikkje berre verdt eit besøk i sommarsesongen - det magiske vinterlyset over fjella og fjorden er noko alle bør oppleva!  

Her kan du lena deg tilbake og ta inn den mektige naturen på ein tur med Vision of the Fjords som seglar stille gjennom Nærøyfjorden på elektrisk kraft. Ynskjer de fart og spenning kan de bestilla tur med opne rib-båtar i det same fjordlandskapet. Ta ein tur på verdskjende Flåmsbana og nyt dagen ved Vatnahalsen med langrennski på beina eller på akebrett. 

I Restaurant Arven på Fretheim Hotel får du tradisjonsrettar med ein moderne vri laga av lokale råvarer. Treng du påfyll mellom aktivitetane eller ynskjer du å ta med niste på tur, kan du stikka innom Flåm Bakeri for heimelaga sandwichar og andre bakevarer bakt på surdeig.