Tips til 3-rettars påskemiddag

Kjærleik for mat og bruk av lokale råvarer kjenneteiknar kjøkkenet på Myrkdalen Hotel. I påskeferien er det høgt tempo bak kulissane i restaurantane våre der kjøkkensjefen og teamet hans tryllar fram dei beste rettane til solbrune og glade skigjester.

Me har teke ein prat med den dyktige kjøkkensjefen vår, Gerald Laundauer, og fått tips, ingrediensar og framgangsmåte til å laga ein herleg 3-rettars påskemiddag på hytta.  

FORRETT - Røykelaks med grøn asparges og urterømme
- 150 g rømme
- 12 grøne asparges
- Ca. 250 g røykelaks oppskåret
- Persille, gressløk, dill, (ramslauk - dette er sesongavhengig)
- Sitronsaft

1. Skrell aspargesen. 
2. Bland rømme med hakka persille, gressløk og dill i ei lita gryte og tilsett salt, pepper og sitron etter eige ynskje. Varm opp rømmesausen forsiktig. Ikkje la sausen koke opp - lunvarm er bra.
3. Kok aspargesen i saltvatn i ca. 8 min.
4. Fordel aspargesen på tallerkenane med rømmesaus og røykelaks på toppen. 

HOVUDRETT - Lammelår
- 1 lammelår
- 4 tomater
- 4 sjalottløk
- 1 gulrot
- 8 fedd kvitløk
- 3 timiangreiner
- 3 rosmaringreiner
- Krydder: allehånde, laurbærblad, einebær, spisskummen
- 0,5 l rødvin, sterk
- 1 ss tomatpuré
- 1/2 l buljong av grønnsaker eller biff

1. Skrell og skjær gulrot, grovhakk tomatene, grovhakk sjalottløk og knus kviløk
2. Salt heile lammelåret og dryss med grovmalt svart pepper. Steik lammelåret forsiktig på høg varme i ei steikepanne på alle sider til det er lysebrunt. Dette tek ca 15 - 20 minutt. 
3. Legg låret til side. Steik dei tilberedte grønnsakene til dei er litt brune. Legg over i ei eldfast gryte, tilsett tomatpurè og rør rundt.
Tilsett rødvin og kok opp. Tilsett buljong. Legg lammelåret tilbake i gryta og tilsett krydderet, rosmarin- og timiangreiner.
4. Set gryta inn i ovnen på 90 °C. Steiketida er ca.5 timar. Ta ut lammelåret frå gryta når kjernetemperaturen er ved 60 grader. Pakk lammelåret inn i aluminiumsfolie og hald låret varmt på 50 grader i omnen. 
5. Kok sausen i 10 minutt, og sil den så over i ei anna gryte. Reduser sausen på komfyren og krydr så med litt frisk timian, honning og sennep. Kok opp til ynskja konsistens.

Potetstappe

- 1 kg skrelte poteter
- 200ml mjølk
- 50g smør
- 200g parmesan
- Persille

1. Kok potetene i saltvatn til dei er heilt møre.
2. Sil av vatnet og kok opp mjølk og smør med potetene.
3. Mos potetene med ein gaffel.
4. Tilset parmesan, persille, salt, pepper og litt muskatnøtt til slutt. 

Til hovudretten anbefalar Gerald grøne bønner, brokkoli eller ein grøn salat. 

DESSERT - Appelsin crème brûlée

- 300ml appelsinjuice
- 80g sukker
- 10g vaniljesukker
- 1 vaniljestang
- 1 stjernanis
- 1 kanelstang
- 6 eggeplommer
- 200ml kremfløyte
- 200ml heilmjølk
- Rive appelsinskal 
- Ca. 50g brunt sukker

1. Kok ned appelsinsaft med vaniljestang, kanel og stjernanis til 150 ml. Tilset vaniljesukker og kvitt sukker, bland inn så det løyser seg opp og sett til side.  
2. Bland eggeplommer, kremfløyte, heilmjølk og rive appelsinskal. 
3. Ta ut krydderet frå appelsinreduksjonen og visp dette inn i egg-fløyte miksen til du har ein glatt konsistens. 
4. Hell blandinga i eldfaste porsjonsformer og set dei i ei langpanne på nederste rille. Hell kokande vatn i langpanna slik at det står halvvegs opp på formane. Steik i ovmnen på 150 °C, til desserten stivnar. Dette tek ca 30-40 minutt, avhengig av storleiken på formane. Avkjøl.
5. Dryss på brunt sukker og sett under grillelementet i omnen til sukkeret er karamellisert -  ca. 3 minutt. Kjøkkensjefen anbefalar å bruka ein crème brûlée-brennar om du har dette. 

Server desserten med litt piska kremfløyte og ferske frukt/bær. For dei som vil ha det lille ekstra kan ein også pynta med ein kvikk lunsj-pinne på sida:)

Alle rettane er for 4 personar

Lukke til - og bon appètit!