Velkomen til familievenlege Myrkdalen

Myrkdalen ligg i Voss Kommune, berre to små timar frå Bergen. Her er Vestlandet sitt største skisenter – med familievenlege bakkar, løyper i alle vanskegradar, parkar, skicross-løyper og herleg off-piste terreng.

Me takkar alle våre skigjester for ein fantastisk sesong og ynskjer alle velkomne tilbake neste vinter

Heisar, skiskule og skiutleige
Skisenteret har totalt 2 stolheisar, 3 t-krokheisar, 3 tallerkentrekk og eit saktegåande rulleband for dei aller minste.Skibakkane er breie og oversiktlege – Myrkdalen er difor ein perfekt plass å læra seg å stå på ski. Treng du skiundervisning eller å leiga ski har skiskulen og skiutleiga eit breitt utval av produkt og aktivitetar.

Barnevenlege Myrkdalen
Barneområdet vårt ligg i sjølve basen av skisenteret, rett ved sida av Myrkdalsstovo Kafè med enkel tilkomst frå parkering og hotell. Området består av to tallerkentrekk, eit saktegåande rulleband og fire varierte grøne løyper. Kvar helg og i alle feriane i heile vintersesongen har me mange aktivitetar og arrangement for born og unge. 

Langrenn, fjellski og topptur
I tilknytning til skisenteret finn ein preparerte langrennsløyper og eit flott terreng for fjellski og toppturar. Dei som likar seg i nysnøen kan øva seg på bruk av sendar/mottakar i skredsøkarbana vår. Denne ligg 150 meter frå avstiginga til Myrkdalsekspressen.

Trygg i Myrkdalen
Tryggleik står i høgsetet i Myrkdalen og me er opptekne av at anlegget skal vera ein trygg stad å vera for alle. Her kan du lesa meir om skivettreglane, skisenteret utanom opningstida, snøproduksjon og skikøyring utanfor løypene.  

Variert  helge- og ferieprogram i vinter
I vintersesongen har me eit variert helge og ferieprogram for alle aldrar!

Med over 5 meter snø, terreng i alle variantar og effektive heisar ligg alt til rette for gode skiopplevingar!