Legg Noregsferien til Myrkdalen og la borna oppleva kremen av fjord og fjell i sommar! I familievenlege Myrkdalen på Voss får de ein aktiv sommarferie som kombinerer fjellturar, terrengsykling, fisking og fjordidyll.
Den ideelle basen for ein aktiv ferie
Myrkdalen ligg i den nordlege delen i Voss herad, ei bygd som er kjend for eit mangfald av adrenalinfylte aktivitetar. Med Myrkdalen som base har de nærleik til ei rekkje utandørsaktivitetar for heile familien. De har fjella rett utanfor døra, med stiar og grusvegar klare for å bli utforska.
Her er forslag til aktivitetar som passar heile familien:
Start fjellturen med stolheis
Myrkdalsekspressen går i juli og august.
Eit steinkast unna Myrkdalen Hotel ligg Myrkdalsekspressen, stolheisen som tek heile familien høgt til fjells på 5 minutt.
Frå toppen på 860 moh. kan de gå ned til Fjellstova Vetlebotn eller innover til idylliske Mørkvesstølen. Langsmed stien her er det flotte kulpar i elva som ein kan bade i på varme sommardagar. Ynskjer de ein lengre tur, kan de gå vidare mot Svortetjødn frå stølane.
På tur med store og små ned til Vetlebotn.
Natursti til Fjellstova Vetlebotn
Natursti er moro og gjer fjellturen meir spennande for borna. På stien mellom Helgatun og Vetlebotn kan heile familien bryna seg på ulike postar med varierte spørsmål. Kart og svarark får de på Myrkdalen Hotel. Borna får sjølvsagt ein liten premie når dei har fullført oppgåvene.
På toppen av naturstien finn de Fjellstova Vetlebotn, perfekt for ein velfortent pause for dei minste. Nyt ein kaffikopp, ein kald is, heimelaga lappar, før de fortset turen ned att.
– Du trenger ikke bare stå på ski når du er i Myrkdalen. Maten er også et trekkplaster.
(Bergens Tidende 7. april 2022)
Sykling for store og små
Sykkelanlegget kan nyttast fritt gjennom heile sommaren.
Rett utanfor Myrkdalen Hotel finn du ein 850 kvm pumptrack og ei tilrettelagt terrengsykkelløype med ulike element. Pumptracken, som den største av sitt slag i Vestland, består av formasjonar, kuler og svingar. Her er det ikkje berre moro for borna – etter tilbakemeldingane å døme begeistrar denne vel så mykje mor og far.
Born som likar sykling, vil setja pris på ein Noregsferie i Myrkdalen.
Ved skibrua som går over RV13 mot Årmotslia har me også nokre hopplinjer. Desse har ulike vanskegrader, så her er det noko for alle!
Prøv familievenleg frisbeegolf
Frisbeegolf er ein av verdas raskast veksande sportar, og har blitt svært populært også i Noreg dei siste åra. Kvar sommar i Myrkdalen vert det sett opp ein familievenleg 5-hols bane der målet er å treffa korgene med kvar sin frisbee med færrast mogleg kast.
Banen er gratis å bruka. Om de ikkje har eigne frisbeear kan de leiga på Myrkdalen Hotel.
Fjelltur på Vikafjellet med bading og fisking
Fiskevatna ligg på rekke og rad i Sendedalen.
Høgfjellsterrenget på Vikafjellet ligg kun 15 minutt køyring frå Myrkdalen. Dette området byr på grønt og frodig landskap og eit mangfald av stiar for barnefamiliar. Stien langsmed dei fire fjellvatna i Sendedalen er perfekt for små barneføter. I lettgått og kupert terreng kan de velja kor langt de vil gå innover, og bading på dei små naturlege strendene er eit must.
Fjellvatna er også perfekt for ein fisketur med heile familien. Berre hugs å kjøpa med dykk fiskekort til området. Dette får du kjøpt på Myrkdalen Hotel.
Fisking og bading i Sendedalen
Hinderløype
Self-timer systemet me nyttar vinterstid i Landsbybakken, er å finna på oppsida av Myrkdalsstovo frå 1. juli. Her kan de utfordra dykk sjølve og kvarandre i ei kort, men intensiv hinderløype. Kor lang tid brukar de?
Besøk Myrkdalen Hestesenter
Myrkdalen Hestesenter tilbyr bane- og fjellriding for alle hesteglade
Rett over vegen frå Myrkdalen Hotel finn du Myrkdalen Hestesenter som tilbyr både bane- og fjellriding for hesteglade born. Dei har også open gard der borna får koma tett på dyra om dei ynskjer.
Besøk klatre- og ziplineparken
Voss Klatrepark ligg kun 15 minutt køyring frå Myrkdalen
Voss Klatrepark i naturskjønne omgjevnadar er berre 15 minutt køyring frå Myrkdalen. Leik dykk i høgda med varierte klatreløyper for born heilt ned i 3-års alderen til høgare og meir krevjande løyper for dei eldste. Dei mest vågale kan testa ut zipline-parken som går over elvestryka!
Sykla rallarvegen frå Finse til Flåm
Frå fjell til fjord på Rallarvegen.
Har du større born bør den historiske Rallarvegen, som vart laga av rallarane som byggja Bergensbanen på slutten av 1800-talet, bli med på lista di. Strekninga frå høgfjellsterrenget på Finse til fjordlandskapet i Flåm kan syklast på ein dag. Ynskjer du eit magesug på vegen kan du byta ut sykkelen med Flåm Zipline ned til Kårdal.
Topptur med utsikt heile vegen
Turen til Prest startar frå den nasjonale turistvegen over Aurlandsfjellet.
Fjelltoppen Prest ved Aurlandsfjorden er ei perle av ein fjelltur. Turen startar frå den nasjonale turistvegen over Aurlandsfjellet, ca. 1 time køyring frå Myrkdalen. Ved den tilrettelagde parkeringsplassen går ein god og tydeleg sti opp til utsiktspunktet på 1363 moh.
Her kan du ta med born i alle aldrar og gå så langt borna har motivasjon, for utsikta over Aurlandsfjorden er fenomenal allereie etter nokre hundre meter.
Etter ca. 2,5 km og 500 høgdemeter kjem du fram til utsiktspunktet. Her får du panoramautsikt over Aurlandsfjorden som strekk seg sørover mot Flåm og nordover mot spisse Kamben som markerer staden der Aurlandsfjorden møter Nærøyfjorden.
